Virxinia, unha muller espida

Virxinia, unha muller espida é unha proposta escénica interdisciplinar e festiva que combina teatro cómico, baile swing , música e danza contemporánea. Concebido como un espectáculo dinámico e de gran conexión co espectador, aborda desde o humor e a complicidade temas de máxima actualidade social como a presión estética, o consumismo, os estereotipos de beleza e o edadismo.
Cunha posta en escena desenfadada e accesible para públicos diversos, a obra transforma o patio de butacas nunha celebración do empoderamento feminino e a liberdade persoal. A función culmina cun karaoke participativo a modo de actividade de mediación directa co público, garantindo unha experiencia comunitaria inesquecible que involucra activamente a cidadanía.