Virxinia: Unha muller espida

Virxinia: unha muller espida é unha peza de danzateatro contemporáneo en fase de produción que se estructura ao redor do concepto da performatividade do xénero presente na teoría queer.

O corpo feminino como motor, como performance, como obxecto, como pregunta e como resposta.

Xorde da necesidade de cuestionarse a imaxe da muller ao longo da Historia da arte e da publicidade dende un punto de vista contemporáneo. Trátase dunha proposta con perspectiva de xénero, onde se procuran novas narrativas para explorar preguntas ao redor da identidade de xénero e a violencia estética sobre o corpo feminino, fundamentalmente.