Virxinia, unha muller espida

Virxinia, unha muller espida é unha peza asociativa de tipo posdramático na que traballamos coa linguaxe da danza contemporánea e da performance.

Nace a partir da pregunta de que implicacións psicosociais e estéticas ten, na nosa sociedade occidental contemporánea, responder ao substantivo muller e como estas afectan á nosa vida cotiá, ás nosas maneiras de expresarnos, comportarnos e concibirnos.

Pretendemos, polo tanto, achegarnos ás connotacións asociadas tradicionalmente ao feminino e realizar unha análise da violencia estética exercida sobre o corpo das mulleres e a súa identidade.